ඉස්ලාම් අන්තවාදයේ ආගමක්ද?

අන්තවාදය, සීමාන්තිකවාදය සහ නොඉවසීම සත්ය දහම මූලික වශයෙන්ම තහනම් කර ඇති ගුණාංග මිස අන් කිසිවක් නොවේ. ශුද්ධ වූ අල් කුර්ආනය බොහෝ වාක්යයන් මගින් ගනුදෙනු කිරීමේදී කරුණාව සහ දයාව අනුගමනය කරන ලෙසත්, සමාව දීමේ සහ ඉවසීමේ මූලධර්මය අනුගමනය කරන ලෙසත් ඉල්ලා ඇත.

උත්තරීතර අල්ලාහ් මෙසේ පවසයි:

"අල්ලාහ්ගෙන් වූ කරුණාව හේතුවෙන් නුඹ ඔවුනට මෘදු ව කටයුතු කළෙහිය. නුඹ දැඩි සිතකින් යුත් දරුණු අයෙකු වූයෙහි නම් නුඹ අසලින් ඔවුහු ඉවත් ව යති. එබැවින් නුඹ ඔවුනට සමාව දෙනු. ඔවුන් වෙනුවෙන් සමාව අයදිනු. (විවිධ) කටයුතු වල දී ඔවුන් සමඟ සාකච්ඡා කරනු. නුඹ ස්ථීර කළේ නම් එවිට අල්ලාහ් වෙත භාර කරනු. නියත වශයෙන් ම අල්ලාහ් (එසේ) භාර කරන්නන් ව ප්රිය කරන්නේය." (ආලු ඉම්රාන්: 159) (194) (ආලු ඉම්රාන්: 159)

"නුඹේ පරමාධිපතිගේ මාර්ගය වෙත ඥානයෙන් යුතු ව හා යහපත් උපදෙස් මගින් නුඹ ඇරයුම් කරනු. තවද වඩාත් යහපත් දැයින් ඔවුන් සමග නුඹ තර්ක කරනු. නියත වශයෙන්ම නුඹගේ පරමාධිපති ඔහුගේ මාර්ගයෙන් නොමග ගියවුන් පිළිබඳ ව මැනවින් දන්නාය. තවද ඔහු යහ මග ගියවුන් පිළිබඳ ව ද මැනවින් දන්නාය." (අන්-නහ්ල්: 125) (195) (අන්-නහ්ල්: 125)

ආගමේ මූලධර්මය නම්, ශුද්ධ වූ අල් කුර්ආනයේ පැහැදිලිව සඳහන් කර ඇති සහ කිසිවකු එකඟ නොවන නිශ්චිත තහනම් කිරීම් හැර සෙසු සියලු දෑ 'හලාල්' නීත්යානුකූලය.

උත්තරීතර අල්ලාහ් මෙසේ පවසයි:

"ආදම්ගේ දරුවනි! සෑම නැමදුම් ස්ථානයකම නුඹලාගේ අලංකාරය පවත්වා ගනු. තවද නුඹලා අනුභව කරනු. පානය කරනු. නමුත් නුඹලා නාස්ති නොකරනු. නියත වශයෙන්ම ඔහු නාස්ති කරන්නන් ප්රිය කරන්නේ නැත." (31) "තම ගැත්තන්හට හෙළි කළ අල්ලාහ්ගේ අලංකාරය හා පෝෂණයන්ගෙන් වූ යහපත් දෑ තහනම් කර ගන්නා කවරෙකු දැයි (නබිවරය !) නුඹ පවසනු. මෙය මෙලොව ජීවිතයේ ද විශේෂයෙන් මළවුන් කෙරෙන් නැගිටුවනු ලබන දිනයේ දී ද විශ්වාස කළවුනට සතු වූවකි. දැනුම ඇති පිරිසට මෙම සංඥාවන් අපි පැහැදිලි කරනුයේ එලෙසය." (32) "මාගේ පරමාධිපති තහනම් කර ඇත්තේ අශික්ෂිත දෑ ද එයින් එළිපිට වන දෑ ද රහසිගතව වන දෑ ද පාපය ද යුක්තියකින් තොර ව සීමාව ඉක්මවීම ද කවර දෙයක් පිළිබඳ ව අල්ලාහ් කිසිදු සාධකයක් පහළ නොකළේද එවැන්නකින් ඔහුට නුඹලා ආදේශ තැබීම ද නුඹලා නොදන්නා දෑ අල්ලාහ් මත (ගොතා) පැවසීම ද වේ යැයි (නබිවරය !) නුඹ පවසනු." (අල්-අඃරාෆ්: 31-33) (196) (අල්-අඃරාෆ්: 31-33)

නෛතික සාක්ෂි නොමැතිව අන්තවාදය, සීමාන්තභාවය හෝ තහනම ඉල්ලා සිටින දේ සාතන්ගේ ක්රියාවන්ට ආගම ආරෝපණය කර ඇත. ආගම ඒවායින් නිර්දෝෂී ය.

උත්තරීතර අල්ලාහ් මෙසේ පවසයි:

"අහෝ ජනයිනි! මහපොළොවේ ඇති දැයින් අනුමත පිවිතුරු දෑ අනුභව කරනු. තවද ෂෙයිතාන්ගේ පියවරවල් අනුගමනය නොකරනු. සැබැවින්ම ඔහු නුඹලාට ප්රකට සතුරෙකි." (168) "ඔහු නුඹලාට අණ කරනුයේ නපුර හා අශීලාචාරකම ද, නුඹලා නොදන්නා දෑ අල්ලාහ් මත ගොතා පැවසීම ද වේ." (අල්-බකරා: 168,169) (197) (අල්-බකරා: 168,169)

"සැබැවින්ම මම ඔවුන් ව නොමඟ හරිමි. ඔවුනට (නොමනා) ආශාවන් ඇති කරමි. තවද මම ඔවුනට නියෝග කරමි. එවිට ඔවුන් ගොවිපළ සතුන්ගේ කන් කපා හරිනු ඇත. තවද මම ඔවුනට නියෝග කරමි. එවිට ඔවුන් අල්ලාහ්ගේ මැවීම් වෙනස් කරනු ඇත යැයි පැවසුවේය. තවද කවරෙකු අල්ලාහ් හැර ෂෙයිතාන් ව භාරකරුවකු ලෙස ගන්නේද සැබැවින්ම ඔහු පැහැදිලි පාඩුවකින් පාඩු වින්දේය." (අන්-නිසා: 119) (198) (අන්-නිසා: 119)