අල්-කුර්ආනය යනු ලොවට අධිපති දෙවියන් දෙසින් එවන ලද ග්රන්ථ අතුරින් අවසන් ග්රන්ථයයි. ඒ අනුව මුස්ලිම්වරුන් අල්-කුර්ආනයට පෙර එවන ලද සියලුම පොත් (ඉබ්රාහිම්ගේ ලේකන, (සබූර්) ගීතාවලිය, තෝරාව සහ ශුභාරංචිය... සහ වෙනත්) විශ්වාස කරති. සියලුම දිව්ය ග්රන්ථවල සැබෑ පණිවිඩය පිරිසිදු ඒකදේවවාදය (අල්ලාහ් කෙරෙහි විශ්වාසය තබා නැමදුම ඔහු වෙනුවෙන් පමණක් ඉටු කිරීම) බව මුස්ලිම්වරු විශ්වාස කරති. කෙසේ වෙතත්, පෙර දිව්ය ග්රන්ථ මෙන් නොව, අල්-කුර්ආනය වෙනත් පිරිසක් හෝ නිකායක් විසින් ඒකාධිකාරී කර නොතිබූ අතර, එහි විවිධ අනුවාදයන් දක්නට නොමැත, එමෙන්ම එහි කිසිදු වෙනසක් සිදු කර නොමැත. නමුත් එය සියලුම මුස්ලිම්වරුන්ට එකම පිටපතකි. අල්-කුර්ආනයේ මූලය කිසිදු වෙනසක්, විකෘතියක් හෝ වෙනස් කිරීමකින් තොරව අදටත් එහි මුල් භාෂාවෙන් (අරාබි) පවතී. ලෝකයේ ස්වාමියා එය සංරක්ෂණය කරන බව කළ පොරොන්දුව පරිදි එය ඉදිරියටත් සංරක්ෂණය කරනු ලබමින් පවතී. එය සියලුම මුස්ලිම්වරුන්ගේ අත්වල සංසරණය වෙයි. ඔවුන්ගේ බහුතරයක් දෙනාගේ හදවත්වල සුරැකෙමින් පවතී. මිනිසුන්ගේ අතේ සංසරණය වන බහු භාෂාවලින් යුත් අල් කුර්ආනයේ වර්තමාන පරිවර්තන පිටපත් කුර්ආනයේ අර්ථකතනයක් මිස අන් කිසිවක් නොවේ. එකල අරාබිවරුන් චතුර කතාවෙන්, කථිකත්වයෙන් සහ කාව්ය ශාස්ත්රයෙන් අන් අයට වඩා ප්රවීණයන් වූ බව දැන දැනම එවැනි අල් කුර්ආනයක් ඉදිරිපත් කරන ලෙස ලෝක අධිපතියා අරාබිවරුන්ට සහ අරාබි නොවන අයට අභියෝග කළේය. නමුත් මෙම අල් කුර්ආනය දෙවියන් හැර වෙනත් කෙනෙකුගෙන් විය නොහැකි බව ඔවුහු තේරුම් ගත්හ. මෙම අභියෝගය සියවස් දාහතරකට වැඩි කාලයක් තිස්සේ පවතින අතර කිසිවෙකුට එසේ කිරීමට නොහැකි විය. එය දෙවියන්ගෙන්ම බවට මෙය විශාලතම සාක්ෂියකි.
අල්-කුර්ආනය යුදෙව්වන්ගෙන් ලැබුණේ නම්, එය තමන්ට ආරෝපණය කරන වේගවත්ම මිනිසුන් ඔවුන් වනු ඇත. හෙළිදරව් වූ අවස්ථාවේදී යුදෙව්වන් එය ප්රකාශ කළා ද?
සලාතය, හජ් සහ සකාත් සම්බන්ධයෙන් වන නීති සම්පාදන සහ ගනුදෙනු වෙනස් නොවේද? අල් කුර්ආනය අනෙකුත් ග්රන්ථවලින් වෙනස් වන බවත් එය මිනිස් කතනයක් නොවන බවත් විද්යාත්මක ප්රාතිහාර්යයන් අඩංගු බවත් පවසා සිටින මුස්ලිම් නොවන අයගේ සාක්ෂිය දෙස බැලිය යුතු වේ. විශ්වාසවන්තයෙකු තමාට පටහැනි විශ්වාසයේ වලංගු භාවය පිළිගන්නා විට, එය එහි වලංගුභාවය පිළිබඳ ශ්රේෂ්ඨතම සාක්ෂිය වේ. එය ලෝක ස්වාමියාගෙන් වන එකම පණිවිඩයක් වන අතර එය එකක්ම විය යුතුය. මුහම්මද් නබි තුමාණන් පැමිණියේ එය මුළා කිරීමේ සාධකයක් ලෙස නොව, එය තහවුරු කිරීමේ සාධකයක් ලෙසිනි. එමෙන්ම එකල චතුරත්වයෙන් කැපී පෙනුන අරාබි වරුන්ටත්, අරාබි නොවන අයටත් දෙවියන් එවන් එක් පදයක් හෝ ගෙන එන මෙන් අභියෝග කළේය. නමුත් ඔවුහු අසාර්ථක වූවෝය. අභියෝගය අදටත් ඒ අයුරින්ම පවති.
එය බොහෝ මිථ්යාවන් සහ ජනප්රවාද ඇතුළුව පුරාණ ශිෂ්ටාචාරවල නිවැරදි විද්යාවන්ගෙන් එකකි. පාළු කාන්තාරයක හැදී වැඩුණු නූගත් වක්තෘවරයෙකු මෙම ශිෂ්ටාචාරවලින් සත්ය පමණක් පිටපත් කර ජනප්රවාද අත්හැරිය හැක්කේ කෙසේද?
ලෝකයේ භාෂා සහ උපභාෂා දහස් ගණනක් පැතිරී ඇත. එය මෙම එක් භාෂාවකින් හෙළිදරව් වූයේ නම්, අනෙක් භාෂාව නොවන්නේ මන්දැ?යි මිනිසුන් එකිනෙකා විමසනු ඇත. අල්ලාහ් තම දූතයා එවනුයේ ඔහුගේ ප්රජා භාෂාවෙනි. සර්වබලධාරී අල්ලාහ් තම දූතයා වන මුහම්මද් තුමාව දූතවරුන්ගේ මුද්රාව ලෙස තෝරා ගත්තේය. අල්-කුර්ආනයේ භාෂාව ඔහුගේ ජනයාගේ භාෂාවෙන් පැවති අතර, ඔහු එය විනිශ්ය දිනය දක්වා විකෘති නොවී ආරක්ෂා කළේය. මෙලෙස නිදසුනක් වශයෙන් ක්රිස්තුස්ගේ ග්රන්ථය සඳහා ඇරමයික් භාෂාව තෝරා ගත්තේය.
උත්තරීතර අල්ලාහ් මෙසේ පවසයි:
"තවද කිසිදු රසූල්වරයකු ඔහුගේ ජනයාගේ බසින් මිස (වෙනත් බසකින්) අපි නොඑව්වෙමු. එය ඔවුනට ඔහු (දේව පණිවිඩ) පැහැදිලි කරනු පිණිසය..." (ඉබ්රාහීම්: 4) (126) (ඉබ්රාහීම්: 4)
අහෝසි කරන දෑ සහ අහෝසි කරනු ලබන දෑ යනු, කලින් දුන් තීන්දුවක කටයුතු නතර කිරීම හෝ අදාළ වෙනත් තීන්දුවක් ආදේශ කිරීම හෝ නිරපේක්ෂ සීමා කිරීම හෝ සීමා කළ ඒවා නිදහස් කිරීම වැනි නීති සම්පාදනයේ විධිවිධානවල වර්ධනයකි. මෙය පෙර නීතිවල සහ ආදම්ගේ කාලයේ සිට පැවති සුපුරුදු හා හුරුපුරුදු දෑය. ආදම් (අලෙයිහිස් සලාම්) තුමාගේ යුගයේ සහෝදරයා විසින් තම සහෝදරිය විවාහ කර ගැනීමේ වලංගුභාවය පසු ව වෙනත් පිළිවෙත් තුළ දූෂිත බවට පත් විය. සෙනසුරාදා දින වැඩ කිරීමේ අවසරය ද එලෙසම ය. ඉබ්රාහීම් (අලයිහිස් සලාම්) තුමා හා එතුමාට පෙර පැවති පිළිවෙත් හා වෙනත් පිළිවෙත් තුළ එහි වලංගු භාවය පැවතිනි. පසුව මූසා (අලයිහිස් සලාම්) තුමාගේ පිළිවෙතෙහි එය දූෂිත ක්රියාවක් බවට පත් විය. වසු පැටවාට නමස්කාර කිරීමෙන් පසු සියදිවි නසා ගන්නා ලෙස ඊශ්රායෙල් දරුවන්ට අල්ලාහ් අණ කළේය, ඉන්පසු ඔහු ඔවුන්ගෙන් මෙම නියෝගය ඉවත් කළේය. මේ හැර තවත් උදාහරණ බොහෝමයක් ඇත. එක් රීතියක් වෙනුවට වෙනත් රීතියක් ආදේශ කිරීම එම පිළිවෙත තුළම හෝ අප පෙර උදාහරණවල සඳහන් කළ පරිදි පිළිවෙතක් තවත් පිළිවෙතක් අතර හෝ අන්තර්ගත වේ.
නිදසුනක් වශයෙන්, නිශ්චිත ඖෂධයකින් තම රෝගියාට ප්රතිකාර කිරීමට පටන් ගන්නා වෛද්යවරයකු ඔහුගේ රෝගියාට ප්රතිකාර කිරීමේදී ක්රමානුකූල ක්රිියාවලියක් ලෙස ඖෂධයේ මාත්රාව අඩු වැඩි කරයි. අපි ඔහු ඥානවන්ත ලෙස සලකමු. එමෙන්ම සුවිශුද්ධ දෙවියන්ට ඉහළම පරමාදර්ශය ඇත. ඉස්ලාමීය තීන්දු තුළ 'නාසික්' අවලංගු කරන සහ 'මන්සූක්' අවලංගු කරනු ලබන දෑ පිහිටීම ශ්රේෂ්ඨ මැවුම්කරුගේ ප්රඥාවෙන් වන්නකි.
සහාබාවරුන් අල් කුර්ආනය පාරායනය කිරීමට සහ එය අන් අයට ඉගැන්වීම සඳහා දූතයාණන් එය විශ්වාසදායක ලෙස ඔවුන්ගේ අත්වලින් ලියන්නට ඉඩ හැරියේය. අබු බක්ර් -රළියල්ලාහු අන්හු- තුමා කලීෆා පාලක ධූරයට පත් වූ විට, මෙම ලේකන එක තැනක තබා ඒවා ආවර්ජනය කළ හැකි වන පරිදි එකතු කිරීමට එතුමා නියෝග කළේය. උස්මාන් -රළියල්ලාහු අන්හු- තුමාගේ යුගයේදී, විවිධ ප්රදේශ වල සහ විවිධ උපභාෂාවලින් සහාබාවරුන් අත තිබූ පිටපත් සහ ලේකන ගිනිබත් කිරීමට ඔහු නියෝග කළේය. එතුමා මුහම්මද් (සල්ලල්ලාහු අලෙයිහි වසල්ලම්) තුමාණන් අත්හැර ගිය සහ අබු බකර් (රළියල්ලාහු අලෙයිහි වසල්ලම්) තුමා විසින් එකතු කරන ලද මුල් පිටපතට සමාන නව පිටපත් ඔවුන් වෙත යැවීය. මෙය සියලු ප්රදේශවල එකම මුල් පිටපත වෙත ආපසු පැමිණීම සහතික කිරීම සහ දූතයා විසින් ඉතිරි කර ඇති පිටපතම පමණක් බව සහතික කිරීම සඳහා ය.
තවද අල්-කුර්ආනය කිසිදු වෙනසක් හෝ වෙනස් කිරීමකින් තොරව පවතින අතර, එය යුග ගණනාවක් තිස්සේ මුස්ලිම්වරුන් සමඟ සෑම විටම බැඳී පවතී. ඔවුන් එය තමන් අතර පරිහරනය කරති. සලාත්වලදී එය කියවති.