අල් කුර්ආනය පරිණාමය පිළිබඳ සංකල්පය නිවැරදි කළේ කෙසේද?

ශුද්ධ වූ අල් කුර්ආනය ආදම්ගේ මැවීමේ කතාව ඉදිරිපත් කරමින් පරිණාමය පිළිබඳ සංකල්පය නිවැරදි කළේය.

මිනිසා සඳහන් කරන්නට තරම් වස්තුවක් ලෙස නොසිටියේය.

"(මෙසේ යැයි) පවසන්නට තරම් වස්තුවක් ලෙස මිනිසා නොසිටි කාලයක් මිනිසාට නොපැමිණියේ ද?" (අල්-ඉන්සාන්: 1) (114) (අල්-ඉන්සාන්: 1)

ආදම්ගේ මැවීම ආරම්භයේ මැටියෙන් විය:

"සැබැවින්ම අපි මැටි සාරයෙන් මිනිසා මැව්වෙමු." (අල් මුඃමිනූන්: 12) (115) (අල්-මුඃමිනූන්: 12)

"ඔහු මැවූ සියලු දෑ අලංකාරවත් කළේය. තවද මිනිසාගේ මැවීම මැටියෙන් ආරම්භ කළේය." (අස්-සජදා: 7) (116) (අස්-සජදා: 7)

“නියත වශයෙන් ම අල්ලාහ් ඉදිරියේ ඊසාගේ උපමාව ආදම්ගේ උපමාව මෙනි. ඔහු ව ඔහු පසින් මවා පසු ව ඔහුට ‘වනු‘ යැයි පැවසුවේය. එවිට ඔහු ඇති විය.” ආලු ඉම්රාන්: 59) (117) (ආලු ඉම්රාන්: 59)

මිනිස් පියා ආදම් ගරුත්වයට පත් කිරීම

“අහෝ ඉබ්ලීස්! මාගේ දෑතින් මා මැවූ දෑට නුඹ සුජූද් කිරීමෙන් නුඹ ව වැළැක්වූයේ කුමක් ද? නුඹ උඩඟු වූයෙහි ද එසේ නැතහොත් උසස් අය අතරින් වූයෙහි දැ”යි ඔහු(අල්ලාහ්) විමසීය." (ස්වාද්: 75) (118) (සාද්: 75)

මිනිසුන්ගේ පියා වන ආදම්ට ගෞරව කිරීම යනු ඔහුව මැටියෙන් ස්වාධීනව මවා ඇති බව පමණක් නොව, ශුද්ධ වූ අල් කුර්ආන් පාඨයේ පෙන්වා දී ඇති පරිදි ඔහුව සර්ව ලෝකයන්හි ස්වාමියාගේ දෑතින්ම ඍජුව මවා තිබීම හා අල්ලාහ්ට කීකරු වෙමින් ආදම්ට සුජූද් කරන මෙන් දේවදූතයන්ගෙන් ඔහු කළ ඉල්ලීමයි.

"පසුව අපි මලක්වරුන්ට "ආදම් ට සිරස නමනු" යි පැවසූ විට ඉබ්ලීස් (ෂෙයිතාන්) හැර ඔවුන් (සියල්ලෝම) සිරස නැමූහ. ඔහු (එය ට) පිටුපෑවේ ය. උඩඟු විය. තව ද ඔහු දේව ප්රතික්ෂේපකයින් අතුරින් කෙනෙකු විය." (අල් බකරා: 34) (119) (අල්-බකරා: 34)

ආදම්ගේ පරපුර මැවීම:

"පසුව ඔහුගේ පරපුර අල්පේච්චිත ජල ධාතුවෙන් ඇති කළේය." (අස්-සජදා: 8) (120) (අස්-සජදා: 8)

"පසු ව අපි ඔහු සුරක්ෂිත ස්ථානයක ශුක්රාණුවක් ලෙස තැන්පත් කළෙමු." (13) "පසු ව අපි එම ශුක්රාණු ව එල්ලී පවතින ලේ කැටියක් බවට නිර්මාණය කළෙමු. පසු ව එම එල්ලී පවතින ලේ කැටිය මස් ගොබක් බවට නිර්මාණය කළෙමු. පසු ව එම මස් ගොබ අස්ථි බවට නිර්මාණය කළෙමු. පසු ව අපි එම අස්ථි මසින් ඇන්දෙව්වෙමු. පසු ව අපි ඔහු ව වෙනත් මැවීමක් ලෙසින් බිහි කළෙමු. එහෙයින් මැවීම් අතුරින් වඩාත් අලංකාර වූ අල්ලාහ් අති උත්කෘෂ්ට විය." (අල්-මුඃමිනූන්: 13-14) (121) (අල් මුඃමිනූන්: 14-13)

"තවද ජලයෙන් මිනිසා මැව්වේ ඔහුය. පසු ව ඔහු ඔහුට පරම්පරානුගත නෑකම් ද විවාහ නෑකම් ද ඇති කළේය. තවද නුඹගේ පරමාධිපති සර්ව බලධාරීය." (අල්-ෆුර්කාන්: 54) (122) (අල්-ෆුර්කාන්: 54)

ආදම්ගේ පරපුර ගරුත්වයට පත් කිරීම:

"තවද සැබැවින්ම අපි ආදම්ගේ දරුවන් ගෞරවයට ලක් කළෙමු. තවද ගොඩබිමෙහි හා මුහුදෙහි අපි ඔවුන් ඉසිලීමු. තවද යහපත් දැයින් අපි ඔවුනට පෝෂණය කළෙමු. තවද අප මැව්වා වූ දැයින් බොහෝ දෑට වඩා අපි ඔවුන්ව මහිමයට පත් කිරීමෙන් උසස් කළෙමු." (අල්-ඉස්රා: 70) (123) (අල් ඉස්රා: 70)

අපි මෙහි සටහන් කරන්නේ ආදම්ගේ පරම්පරාවේ උත්පත්තියේ අවධීන් (තුච්ඡ ජලය, ශුක්ර තරලයක්, ලේ කැටියක්, කලලයක්...) සහ ජීවී මැවීම්වල සම්භවය සහ ඒවායේ ක්රම පිළිබඳව පරිණාමවාදයේ ප්රකාශ කර ඇති දේ සමඟ ඇති සමානකම හා ප්රජනන ක්රමයයි.

“(ඔහු) අහස් හා මහපොළොවේ නිර්මාපකයාය. නුඹලා තුළින්ම නුඹලා සඳහා වූ ජෝඩු ද එමෙන්ම ගොවිපළ සතුන් අතුරින් ජෝඩු ද ඔහු ඇති කළේය. එහි නුඹලා ව ඔහු බිහි කරයි. ඔහු මෙන් කිසිවෙක් නැත. තවද ඔහු සර්ව ශ්රාවකය. සර්ව නිරීක්ෂකය.” (අෂ්-ෂූරා: 11) (124) (අෂ්-ෂූරා: 11)

මැවීමේ මූලාශ්රය එකම බව සහ මැවුම්කරුගේ ඒකීය බව පෙන්වීම සඳහා ආදම්ගෙන් පැවතෙන්නන් නින්දිත ජලයෙන් අල්ලාහ් නිර්මාණය කළේය. එමෙන්ම ඔහු මිනිසාට වෙනමම ගෞරවයක් පිරිනමමින් ඔහු ව පොළොවේ නියෝජිතයා බවට පත්කිරීමේ ලෝක ස්වාමියාගේ ප්රඥාව තහවුරු කරනු පිණිස ආදම් ව සෙසු මැවීම් අතරින් වෙන් කළේය. තවද පියෙකු හෝ මවකගෙන් තොරව ආදම්ගේ මැවීම දේව හැකියාවේ සර්වබලධාරිත්වය පෙන්නුම් කරයි. පියකුගෙන් තොරව ඔහු ඊසා (ජේසු) තුමා මැවීමෙහි තවත් නිදසුනක් තැබුවේය, එය මිනිසුනට සංඥාවක් හා සර්වබලධාරිත්වයේ ප්රාතිහාර්යයක් වනු පිණිස ය.

“නියත වශයෙන් ම අල්ලාහ් ඉදිරියේ ඊසාගේ උපමාව ආදම්ගේ උපමාව මෙනි. ඔහු ව ඔහු පසින් මවා පසු ව ඔහුට ‘වනු‘ යැයි පැවසුවේය. එවිට ඔහු ඇති විය.” ආලු ඉම්රාන්: 59) (125) (ආලු ඉම්රාන්: 59)

පරිණාමවාදයේ න්යාය සමඟ බොහෝ දෙනෙක් ප්රතික්ෂේප කිරීමට උත්සාහ කරන්නේ ඔවුන්ට එරෙහි වන සාක්ෂියයි.