અલ્લાહ તઆલા કહે છે:
"હે નબી! તમારી પત્નીઓ અને દીકરીઓ અને મોમિન સ્ત્રીઓને કહી દો કે તેઓ પોતાના ઉપર પોતાની ચાદર ઓઢીને રાખે, જેના કારણે તેઓ ઓળખાય જશે અને તેમની સતાવણી કરવામાં નહીં આવે, અને અલ્લાહ માફ કરવાવાળો અને રહેમ કરવાવાળો છે" [૨૦૫]. (અલ્ અહઝાબ: ૫૯).
મુસ્લિમ મહિલા "ખુસુસિયહ" (વિશિષ્ટતા) શબ્દનો અર્થ સારી રીતે સમજે છે. તેના પિતા, ભાઈ, પુત્ર અને પતિ પ્રત્યેના તેના પ્રેમે તેને દરેક પ્રકારના પ્રેમની વિશેષતાનો અહેસાસ કરાવ્યો, કારણ કે તેણીનો તેના પતિ પ્રત્યેનો પ્રેમ અને તેના પિતા અથવા ભાઈ પ્રત્યેનો પ્રેમ તેણીને દરેકને તેનો યોગ્ય અધિકાર આપવા માંગે છે. તેના પર તેના પિતાનો અધિકાર, મુખ્યત્વે આદર અને કર્તવ્યનિષ્ઠા છે, તેના પર તેના પુત્રનો અધિકારથી અલગ છે, જેમ કે સંભાળ રાખવી, ઉછેર કરવો વગેરે. તેણી સારી રીતે જાણે છે કે તેણી ક્યારે, કેવી રીતે અને કોની સમક્ષ તેણીનો શણગાર પ્રગટ કરવો જોઈએ, તેથી અજાણી વ્યક્તિની હાજરીમાં તેણીનો પોશાક નજીકના સંબંધીની હાજરીમાં જે પહેરે છે તેનાથી અલગ છે. બીજા શબ્દોમાં કહીએ તો, તે બધા લોકો સમક્ષ પોતાનો દેખાડો કરી શકતી નથી. મુસ્લિમ સ્ત્રી એક મુક્ત સ્ત્રી છે, જે ફેશન અને અન્યની અંગત ઈચ્છાઓના બંદી બનવાનો ઇન્કાર કરે છે. તેણી ફક્ત તે જ પહેરે છે, જે તેના માટે યોગ્ય છે અને જે તેણીને ખુશ કરે છે અને જેનાથી તેનો પાલનહારને ખુશ થાય. જુઓ પશ્ચિમની સ્ત્રી કેવી રીતે ફેશન અને ફેશનના ઘરની બંદી બની ગઈ છે, જો ઉદાહરણ તરીકે એવું કહેવામાં આવે: અત્યારે તો ટૂંકા અને ચુસ્ત કપડા પહેરવાનું વલણ ચાલી રહ્યું છે, તો તેણી તેને પહેરવાની ઉતાવળ કરે છે, પછી ભલે તે તેને ફિટ લાગે અથવા તેણીને આરામદાયક લાગે.
આજે સ્ત્રી કેવી રીતે કોમોડિટી (ચીજ વસ્તુ) માં ફેરવાઈ ગઈ છે, જેનાથી કોઈ અજાણ નથી, કારણ કે દરેક જાહેરાતો અને વિજ્ઞાપનોમાં આવતી નગ્ન સ્ત્રીની છબીથી કોઈ અજાણ નથી. આ પશ્ચિમી સ્ત્રીને તેના વર્તમાન મૂલ્ય વિશે પરોક્ષ સંદેશ આપે છે. જ્યારે કોઈ મુસ્લિમ મહિલા તેના શણગારને છુપાવે છે, ત્યારે તે તે છે, જે વિશ્વને એક સંદેશ મોકલે છે, જે દર્શાવે છે કે તેણી કેટલી મૂલ્યવાન છે અને અલ્લાહ દ્વારા તેણી કેટલી સન્માનિત છે. તેથી, જેઓ તેની સાથે વ્યવહાર કરે છે તેઓએ તેનું મૂલ્યાંકન તેના જ્ઞાન, સંસ્કૃતિ, માન્યતાઓ અને વિચારોની દ્રષ્ટિએ કરવું જોઈએ નહીં કે તેની શારીરિક સુંદરતાના સંદર્ભમાં.
એક મુસ્લિમ મહિલા માનવ સ્વભાવને પણ સમજે છે, જે અલ્લાહએ લોકોમાં નાખ્યો છે, તેથી તે સમાજ અને પોતાને દુરુપયોગથી બચાવવા માટે અજાણ્યાઓની હાજરીમાં તેણીનો શણગાર પ્રગટ કરતી નથી. મને લાગે છે કે કોઈ પણ આ હકીકતને નકારી શકશે નહીં કે દરેક સુંદર છોકરી, જે તેના શારીરિક આભૂષણોને લોકો સમક્ષ જાહેર કરવામાં ગર્વ અનુભવે છે, જ્યારે વૃદ્ધાવસ્થામાં પહોંચે છે ત્યારે તે ઈચ્છે છે કે બધી સ્ત્રીઓ હિજાબ પહેરે.
આજકાલ પ્લાસ્ટિક સર્જરીના પરિણામે મૃત્યુ અને વિકૃતિ દરના આંકડાઓ પર એક નજર નાખો, સ્ત્રીઓને આ બધી પીડામાંથી પસાર થવા માટે શું પ્રેરિત કરે છે? તે એટલા માટે છે કારણ કે તેઓએ તેણીને તેણીની બૌદ્ધિક સુંદરતા પર ધ્યાન કેન્દ્રિત કરવાને બદલે શારીરિક સૌંદર્ય સ્પર્ધાઓમાં ભાગ લેવા દબાણ કર્યું, જેના કારણે તેણીએ તેણીનું સાચું મૂલ્ય તેમજ તેણીનું જીવન બગાડ્યું છે.
હકીકતમાં, માથું ખોલવું એ સંપૂર્ણ પછાતપણું છે, શું આદમના સમયથી આગળ પણ કોઈ પછાતપણું છે; જ્યારથી અલ્લાહ એ આદમ અને તેની પત્નીને પેદા કર્યા અને તેમણે જન્નતમાં રહેવા માટે મોકલ્યા ત્યારથી તેમને કપડાં પહેરવા અને પરદો કરવા માટે જવાબદાર બનાવ્યા હતા.
અલ્લાહ તઆલા કહે છે:
"અહીંયા તો તમને એવો આરામ છે કે ન તો તમે ભૂખ્યાં છો અને ન તો નિર્વસ્ત્ર"[૨૦૬]. (તોહા: ૧૧૮).
એવી જ રીતે અલ્લાહ એ આદમની સંતાન માટે પોતાના અંગોને છુપાવવા અને શણગાર તરીકે વસ્ત્રો આપ્યા, ત્યારથી માનવીઓ પોતાના વસ્ત્રો બાબતે આગળ વધતા ગયા છે તમે તેમનો વિકાસ તેમના કપડાં અને ચાદરોથી અંદાજો લગાવી શકો છો. તે જાણીતું છે કે જે લોકો સંસ્કૃતિથી દૂર રહે છે, કેટલાક આફ્રિકાના લોકોની જેમ, તે પોતાના ગુપ્તાંગને છુપાવવા સિવાય શરીર પર બીજા કોઈ કપડાં પહેરતા નથી.
અલ્લાહ તઆલા કહે છે:
"હે આદમના સંતાનો ! અમે તમારા માટે પોશાક બનાવ્યો, જે તમારા ગુપ્તાંગને છુપાવે છે, અને શણગાર માટેનું કારણ પણ છે અને ડરવાવાળો પોશાક આ બધા કરતા વધારે ઉત્તમ છે, આ અલ્લાહ તઆલાની નિશાનીઓ માંથી છે, જેથી આ લોકો યાદ રાખે" [૨૦૭]. (અલ્ અઅરાફ: ૨૬).
એક પશ્ચિમી વ્યક્તિ તેની દાદીના શાળાએ જતા રસ્તા પરના ચિત્રો જોઈ શકે છે, કે તેણીએ શું પહેર્યું હતું. જ્યારે સ્વિમસ્યુટ પ્રથમ વખત જાહેર થયું, ત્યારે યુરોપ અને ઑસ્ટ્રેલિયામાં તેની વિરુદ્ધ પ્રદર્શનો થયા કારણ કે તે ધાર્મિક કારણોસર નહીં પરંતુ તે સામાન્ય સમજ અને રિવાજની વિરુદ્ધ હતું. અને ઉત્પાદન કરતી કંપનીઓએ મહિલાઓને તેને પહેરવા માટે પ્રોત્સાહિત કરવા માટે શરૂઆતમાં પાંચ વર્ષની છોકરીઓનો ઉપયોગ કરીને તેમાં દેખાડવા માટે વ્યાપક જાહેરાતો બનાવવાનું કામ કર્યું, અને તેમાં ચાલતી પ્રથમ છોકરી ખૂબ જ શરમાળ દેખાઈ, અને તે દેખાડામાં અસફળ રહી. તે સમયે સ્ત્રીઓ અને પુરુષો કાળા અને સફેદ સ્વિમસ્યુટમાં તરતા હતા જે આખા શરીરને ઢાંકતું હતું.
પુરૂષો અને સ્ત્રીઓ વચ્ચેની શારીરિક રચનાના તફાવત પર વિશ્વ સર્વસંમતિથી (ઈજમાઅ) સંમત થયું છે, જે હકીકત દ્વારા પુરાવા મળે છે કે પુરુષોના સ્વિમિંગ (તરવાના) કપડાં પશ્ચિમમાં સ્ત્રીઓના કપડાં કરતાં અલગ છે. ફિતનાથી બચવા માટે સ્ત્રી પોતાના શરીરને સંપૂર્ણપણે ઢાંકી દે છે, પરંતુ શું ક્યારેય કોઈએ સાંભળ્યું છે કે કોઈ સ્ત્રીએ પુરુષનો બળાત્કારનો કર્યો હોય? પશ્ચિમમાં મહિલાઓ ઉત્પીડન અથવા બળાત્કાર વિના સુરક્ષિત જીવન માટેના તેમના અધિકારોની માંગ કરતા પ્રદર્શનોમાં ભાગ લે છે, અને અમે પુરુષો દ્વારા આ પ્રકરના પ્રદર્શનો વિશે સાંભળ્યું નથી.